بدعقیدگی کے بغیر ایصال ثواب کے لیے دن مخصوص کرنا
سوال
اگر کوئی شخص اپنے فوت شدگان کی برسی کرتا ہے، لیکن اسے دین کا حصہ نہیں سمجھتا اور تاریخ کا تعین صرف یاد دہانی کے لیے کرتا ہے اور نہ ہی اس کا یہ عقیدہ ہے کہ صرف اسی دن کو ایصال ثواب ہوتا ہے اور برسی کے روز کھانا پکا کر غریبوں میں تقسیم کردیتا ہے تو کیا یہ جائز ہے؟
جواب
اصول یہ ہے کہ کسی ثابت شدہ عمل کے لیے بھی شریعت کی تعیین کے بغیر از خود دن متعین کرنا جائز نہیں؛ اس لیے مذکورہ صورت میں عقیدے کی درستگی کے باوجود بھی خاص طور پر برسی کے روز ایصال ثواب کرنا درست نہ ہوگا، بلاتعیین سال کے کسی بھی دن میت کی طرف سے صدقہ یا ایصال ثواب کرے،اور کسی خاص دن کے بجائے اپنے مرحوم کو ہمیشہ یاد رکھے۔ فقط واللہ اعلم
دارالافتاء — جامعہ علوم اسلامیہ علامہ محمد یوسف بنوری ٹاؤن
فتویٰ نمبر
143811200086
تاریخ22-08-2017
