علامہ ابن تیمیہ رحمہ اللہ کے متعلق علمائے دیوبند کی رائے

شیخ الاسلام علامہ ابن تیمیہ رحمہ اللہ ہماری تاریخ کے ایک بلند پایہ محقق عالم گزرے ہیں، البتہ انہوں نے بعض مسائل میں جمہور فقہاء ومحدثین اور علمائے امت سے اختلاف کیا ہے، جمہور امت نے ان کے تفردات کو قابل عمل نہیں سمجھا۔  اسی بنا پر بعض حضرات نے ان کی تردید میں کتابیں بھی لکھی ہیں، علامہ تاج الدین سبکی، علامہ ذہبی، ابن حجر ہیتمی، ملاعلی قاری اور علامہ شامی رحمہم اللہ جیسے اہل علم کے ہاں بھی ان پر تنقید ملتی ہے، ان کے مفصل حالات علامہ ابوزہرہ کی کتاب " ابن تیمیہ " میں مل سکتے ہیں، جس کا اردو ترجمہ شائع ہوگیا ہے۔ فقط واللہ اعلم