تشہد میں انگلیوں سے حلقہ بنانا

 تشہد میں " اشهد ان لا اله" پڑھتے وقت دائیں ہاتھ کی انگلیوں کو بند کرکے، انگوٹھے اور بیچ والی انگلی کا حلقہ بنا کر شہادت کی انگلی سے اشارہ کرنا اور" الا الله " پر شہادت کی انگلی کو  جھکادینا اور آخر تک حلقہ قائم رکھناسنت ہے۔  سنن ابوداود  اور ابن ماجہ  میں حلقہ بنانے کا مذکورہ طریقہ صراحتاً درج ہے، نیز موطا امام محمد اور  ترمذی کی روایات سے بھی اس کی تائید ہوتی ہے۔  اس حوالے سے مولانا ظفر احمد عثمانی رحمہ اللہ کی "اعلاء السنن " میں  کئی روایات نقل کرکے مفصل بحث کی گئی ہے، اسے ملاحظہ کرلیاجائے۔ فقط واللہ اعلم