بیٹی کی پیدائش کے لیے دعا

اولاً تو یہ ذہن میں رکھیں کہ اولاد  کا ملنا اور ذکور واناث میں ان کی تقسیم اللہ کی مشیت پر مبنی ہے، جس کو چاہیں لڑکے دیں، جسے چاہیں لڑکیاں اور جسے چاہیں دونوں دیں، او ر جسے چاہیں بانجھ رکھیں ؛  اس لیے  اللہ کی تقسیم پر راضی رہنا چاہیے۔ باقی  بیٹے یا بیٹی کی تمنا کرنا اور اس کے لیے  دعا کرنا منع نہیں ہے۔ بیٹی کی پیدائش کے لیے کوئی خاص وظیفہ تو  علم میں نہیں ہے، البتہ اللہ پاک نے ہر مشکل کا حل نماز میں رکھا ہے اور اسی کے ذریعہ مدد طلب کرنے کا حکم بھی دیا ہے اس لیے  صلاۃ الحاجت پڑھ کر اپنی اس خواہش کی تکمیل کی دعا کرتے رہیں، ان شاءاللہ آپ کی امیدیں بر آئیں گی۔ فقط واللہ اعلم