قبل از وقت نمازوں کی ادائیگی
سوال
کسی شخص کومعلوم ہے کہ آج اس کاآپریشن ہے،اور وہ کوئی نمازادانہیں کرسکے گا،توکیاوہ پہلے سے ہی ایڈوانس ساری نمازیں اداکرسکتاہے؟یابعد میں وہ قضاہی پڑھے گا؟
جواب
کوئی بھی نمازاپنے وقت سے پہلے ادانہیں کی جاسکتی،وقت کاداخل ہونانمازکے صحیح ہونے کے لیے شرط ہے۔اگرکسی شخص کاآپریشن ہواور نمازکاوقت داخل ہوچکاہوتب تووہ نمازاداکرسکتاہے۔جن نمازوں کاوقت ابھی داخل نہیں ہواوہ نمازیں قبل از وقت ادانہیں ہوسکتیں۔آپریشن کی وجہ سے جونمازقضاہوجائے وہ بعد میں اداکرلے۔فقط واللہ اعلم
دارالافتاء — جامعہ علوم اسلامیہ علامہ محمد یوسف بنوری ٹاؤن
فتویٰ نمبر
143806200010
تاریخ08-03-2017
