خون کا عطیہ دینے کا حکم

خون انسانی بدن کا جزو ہے، اور انسان کے لیے اپنے جسم کا کوئی بھی جزو اپنے اختیار سے عطیہ دینا جائز نہیں، البتہ اگر کوئی مریض اضطراری حالت میں ہو اور ماہر ڈاکٹر کی نظر میں خون دیئے بغیر اس کی جان جانے یا مرض طویل ہوجانے کا اندیشہ ہو اور اس کے علاوہ کوئی اور راستہ بھی نہ ہو تو ایسی صورت حال میں خون دینا جائز ہے اور اس طرح ایک مسلمان کی جان بچانے پر ثواب کی بھی امید ہے۔ کسی این جی اوز کے متعلق اگر تحقیق سے معلوم ہوجائے کہ وہ خون کو مستحق مریضوں کے علاج کے لیے فراہم کرتی ہے، تو اس کو خون دینا جائز ہے۔ واللہ اعلم