ملازم جائے ملازمت میں قصر کرے یااتمام؟

 مجھے اپنے شہر سے ایک سو کلومیٹر دور شہر میں ڈیوٹی ملی ہے۔ وہاں فلیٹ کرایہ پر لے لیا اور سامان بھی وہاں مستقل رکھ دیا۔ ایک مفتی صاحب نے بتلایا تھا کہ ایک بار نوکری والے شہر میں پندرہ دن کی نیت سے جاکر پندرہ دن رہوں۔ اس کے بعد چونکہ نوکری والے شہر میں کرایہ کا فلیٹ اور سامان وہاں رکھا ہوا پھر بھلے میں ہر ہفتہ پانچ دن نوکری والے شہر اور دو دن اپنے شہر میں رہوں تو دونوں جگہ پوری نماز پڑھوں گا۔ اس لیے پہلی بار پندرہ دن کی نیت سے گیا لیکن اچانک دس دن بعد اپنے شہر دو دن کیلئے واپس آنا پڑا۔ اب میں نوکری والے شہر آئندہ ہر ہفتہ پانچ دن کیلئے جایا کروں گا تو وہاں پوری نماز پڑھوں گا یا قصر؟