قعدہ اخیرہ میں التحیات کے بعد تاخیر کی بنا سجدہ سہو واجب ہوگا یا نہیں؟

اگر نماز کے دوران بھول کر کسی کام کے کرنے یا سوچنے کی وجہ سے نماز کے کسی فرض یا واجب میں ایک رکن کی مقدار (یعنی تین بار سبحان اللہ پڑھنے کے بقدر) دیر لگ جائے تو سجدہ سہو واجب ہوجاتا ہے، اس لیے اصولی طور مفتی بہ قول کی بنا پر مذکورہ صورت میں التحیات، درود شریف اور دعا پڑھ لینے کے بعد ایک رکن کی مقدار خاموش رہنے سے سلام میں تاخیر کی بنا پر سجدہ سہو واجب ہوگا، مفتی حبیب الرحمن صاحب کی کتاب کو ملاحظہ کیا گیا لیکن اس میں مسئلہ کی تائید کے لیے مذکور شامی کا حوالہ نامکمل ہے، جبکہ شامی کے متعلقہ باب سجود السہو میں مذکور جزئیات سے اس صورت میں سجدہ سہو کا وجوب ہی معلوم ہوتا ہے. واللہ اعلم