غائبانہ نمازجنازہ کا حکم

احناف کے نزدیک میت کے لیے غائبانہ نمازجائزنہیں ہے،نمازجنازہ صحیح ہونے کے لیے جنازہ کاسامنے ہوناشرط ہے۔نجاشی کاغائبانہ نمازجنازہ جوآنحضرت صلی اللہ علیہ وسلم نے پڑھاتھااس کونجاشی کی خصوصیت قراردیتے ہیں،نیزروایات سے یہ بھی معلوم ہوتاہے کہ نجاشی کاجنازہ آپ صلی اللہ علیہ وسلم کے سامنے کردیاگیاتھا۔ ورنہ غائبانہ نمازجنازہ کاعام معمول نہیں تھا،آنحضرت صلی اللہ علیہ وسلم کے مبارک زمانہ میں کئی صحابہ کرام رضی اللہ عنہم مدینہ سے باہرشہیدہوئے آپ صلی اللہ علیہ وسلم کواطلاع بھی دی گئی لیکن ان کی غائبانہ نمازجنازہ نہیں پڑھی گئی۔فقط واللہ اعلم

فتاویٰ شامی میں ہے:

فلاتصح علی غائب وصلاۃ النبی صلی اللہ علیہ وسلم علی النجاشی لغویۃ اوخصوصیۃ۔(باب صلوۃ الجنازۃ،2/209،ط:سعید)