مسلمانون کو خلافت کیوںکر مل سکتی ہے؟

اللہ جل شانہ نے سورہ نور آیت ۵۵ میں اہل ایمان سے وعدہ کیا ہے کہ ایمان اور عمل صالح پر استقامت اختیار کریں گے تو ان کو زمین میں خلافت، دین کا غلبہ اور امن امان والی زندگی عطا فرمائیں گے، اور اسلام کی چودہ سو سالہ تاریخ اس پر شاہد ہے کہ مختلف زمانوں اور ملکوں میں مسلمانوں کو اپنے عمل اور صلاح کے پیمانے پر اس وعدہ الہیہ کا حصہ ملا ہے۔ اس لیئے یہ کہہنا درست  ہے کہ اعمال ٹھیک ہونگے تو خلافت قائم ہوگی۔ لہذا اس وعدہ کو صرف امام مہدی کے زمانے کے ساتھ مخصوص نہیں کیا جاسکتا اور نہ ہی صرف جہادہی اس کا ذریعہ ہے، بلکہ یہ وعدہ اللہ تعالی نے جن شرائط واعما ل کی بنیاد پر رکھا ہے وہ شرائط آج بھی پوری ہوں تو اس وعدہ الہی کا ظہور ہوگا اور وہ پورے کے پورے دین پر عمل واستقامت ہے منجملہ جس میں جہاد بھی اپنی تمام شرائط کے ساتھ شامل ہے۔ واللہ اعلم