معذور کے وضو ونماز کا حکم
سوال
ایک شخص کو کثرت کے ساتھ (بعض اوقات) مذی آتی ہے، حتی کہ وضو کرنے کے بعد نماز بھی نہیں پڑھ پاتا کہ نماز ہی میں مذی خارج ہوجاتی ہے اور کئی کئی بار وضو کرنا پڑتا ہے؟ کیا یہ شخص معذور کے حکم میں نہیں داخل ہے؟
جواب
اگر نماز کا پورا وقت اس طرح گزر جاتا ہے کہ وضو کرنے کے بعد نماز کے آخر تک وضو نہیں ٹھہرتا تو یہ شخص معذور کے حکم میں ہے اور اس کے لیے یہ حکم ہے کہ کپڑے پاک کرنے کے بعد وضو کرکے ایک وقت کی نماز پڑھ لیا کرے، دوسری نماز کے لیے دوبارہ وضو کرے. واللہ اعلم
دارالافتاء — جامعہ علوم اسلامیہ علامہ محمد یوسف بنوری ٹاؤن
فتویٰ نمبر
143703200013
تاریخ23-12-2015
