نماز اور روزے کی فرضیت کی عمر

نماز اور روزہ دونوں بالغ ہوجانے کے بعد ہی فرض ہوتے ہیں۔بلوغت یہ ہےکہ لڑک کو احتلام یا انزال ہوجائے اور لڑکی کو حیض آجائے یا وہ حاملہ ہوجائے،اگر ان علامات میں سے کوئی بھی ظاہر نہ ہو تو پندرہ سال کی عمر میں دونوں بالغ سمجھیں جائیں گے، البتہ بچپن ہی سے بچوں کو نماز اور روزہ کا شوق دلا کر ، اور مناسب انداز میں سختی کر کے انہیں ان اہم عبادات کا پابند بنانا چاہیے تاکہ بالغ ہونے تک نماز پڑھنے اور روزے  رکھنے کی پختہ عادت بن جائے چنانچہ حکم یہ ہےکہ سات سال کی عمر میں بچوں کی نماز کی تاکید کی جائے اور دس کی عمر میں نماز نہ پڑھنے پرسرزنش کی جائے۔