کفار ومشرکین کی اولاد کاحکم

احادیث  اس بارے میں مختلف ہیں،اورمحققین نے اسی کوراجح قراردیاہے کہ اولادکفارجوبلوغت سے پہلے دنیاسے چل بسے وہ اہل جنت میں سے ہیں۔امام ابوحنیفہ رحمہ اللہ نے تعارض ادلہ کی وجہ سے اس بارے میں توقف کیاہے۔

مفتی اعظم پاکستان مفتی محمد شفیع رحمہ اللہ لکھتے ہیں:

’’آیت ’’ولاتزر وازرۃ وّزرَ اخریٰ ‘‘کے تحت تفسیرمظہری میں لکھاہے کہ اس آیت سے ثابت ہوتاہے کہ مشرکین وکفارکی اولاد جوبالغ ہونے سے پہلے مرجائیں ان کو عذاب نہ ہوگا۔کیوں کہ ماں باپ کے کفرسے وہ سزاکے مستحق نہیں ہوں گے۔(معارف القرآن5/457،ط:مکتبہ معارف القرآن)[فتاویٰ دارالعلوم دیوبند12/211،ط:دارالاشاعت کراچی]