حنفی کا فقہ شافعی پر عمل
سوال
السلام عليکم مفتی صاحب ميرا سوال يه هے کیا حنفي مذهب والا امام شافعي فتوي بر عمل کرسکتا ھے یا نھیں؟ اگر کرسکتا ھے تو کیا یہ حديث صحیح ھے؟ حديث كا مفهوم يه ھے نکاح سے بھلے طلاق نهيں اور بيع سے بھلے سودا نھیں کیا کوئی شخص نكاح سے پہلے طلاق كا جمله بولا هو، اگر اس فتوے بر حنفى مذهب والا عمل كرے تو كىا طلاق واقع هوگی؟ مھربانی کیجے جواب ضرور دیجیے۔
جواب
1: چاروں فقہی مکاتب فکر، فقہ حنفی، فقہ شافعی، فقہ حنبلی، فقہ مالکی میں سے کسی ایک کے ساتھ وابستگی کے بعد انتہائی ناگزیر صورت حال کے علاوہ، کسی اور فقہی مکتب کی تشریح کے مطابق عمل کرنا درست نہیں۔ اس میں کئی ایک مصلحتیں ہیں، جن کا تفصیلی بیان یہاں ممکن نہیں۔2: شادی سے قبل دی جانے والی طلاق کے الفاظ کی وضاحت ہونے کے بعد ہی مسئلے کی صحیح نوعیت معلوم ہو سکتی ہے۔
دارالافتاء — جامعہ علوم اسلامیہ علامہ محمد یوسف بنوری ٹاؤن
فتویٰ نمبر
143512200042
تاریخ24-10-2014
