اعیان نام رکھنا

عربی زبان کے اعتبار سے لفظ اعیان، عین کی جمع ہے، عین کے کئی ایک معانی ہیں، مثلا: آنکھ، پہاڑوں سے پھوٹنے والا چشمہ، سونا، سورج وغیرہ۔ ان معانی کے اعتبار سے اس لفظ کی جمع کو بطور نام استعمال کرنا نامناسب ہے۔ اسی طرح لفظ ایان (الف کے زبر، اور یا کی تشدید کے ساتھ) کے معنی کب کس وقت کے ہیں، لہذا یہ نام رکھنا بھی نامناسب ہے۔ عیان (عین کے زبر، اور یا کی تشدید کے ساتھ) کے ایک معنی بڑی آنکھوں والا ہونے کے ہیں، اس معنی کے پیش نظر یہ نام رکھنا درست ہے۔ فقط واللہ أعلم بالصواب ۔