تین دن سے کم خون آنا

خون اگر تین دن سے کم میں بند ہوجائے تو اس صورت میں عورت کو انتظار کرنا چاہیے، فورا نہانا واجب نہیں، بلکہ وضو کرکے نماز پڑھے، لیکن ابھی صحبت کرنا درست نہیں۔ اگر پندرہ دن گزرنے سے پہلے دوبارہ خون آجائے تو عادت نہ ہونے کی صورت میں دس دن حیض کے ہوں گے اور باقی استحاضہ کے، اور عادت ہونے کی صورت میں عادت کے ایام حیض کے ہوں گے اور باقی استحاضہ کے۔ اور اگر پورے پندرہ دن بیچ میں گزر گئے اور دوبارہ خون نہیں آیا تو وہ استحاضہ ہے، ان ایام میں خون کی وجہ سے جو نمازیں نہیں پڑھیں ان کی قضاء پڑھنا ضروری ہوگا۔