قربانی کے جانور میں دو دانت کی شرط
سوال
السلام علیکم کیا کہتے ہیں علماء کرام اس بارے میں کہ قربانی کے جانور بکرا یا بکری کی عمر کے بارے میں،آیا سال کا ہونا ضروری ہے یا دو دانت کا ہونا،اگر سال کا ہونا تو پھر کوئی مسئلہ نہیں ہے،اور اگر دو دانت شرط ہیں سال کے ہونے لئے تو یہ میرے تجربے کے مطابق ایسے بکرے ہیں کہ جو 12 ماہ میں دانت نہیں گراتے۔تو ان کا کیا حکم ہے؟
جواب
بکرا اور بکری کی قربانی صحیح ہونے کے لئے ایک سال کا ہونا ضروری ہے،دو دانت فقط اس کی علامت ہے،لہذا اگر کوئی جانور ایسا ہے جو ایک سال کا ہو جانے کے بعد بھی دو دانت نہیں نکالتا تو اس کی قربانی درست ہے۔
دارالافتاء — جامعہ علوم اسلامیہ علامہ محمد یوسف بنوری ٹاؤن
فتویٰ نمبر
143412200012
تاریخ18-10-2013
