جنابت کی حالت میں مسجد میں جانا

صورت مسئولہ میں جنابت کی حالت میں وضو کرکے جماعت کی نماز میں شامل ہونے سے باقی نمازیوں کی نماز پر تو اثر نہیں پڑے گا،البتہ یہ عمل گناہ  ہے۔ نیز جنابت سے طہارت غسل کے ذریعے حاصل ہوتی ہے، جنابت کی حالت میں وضو کرکے مسجد میں جانا اور بغیر وضو کے جانا دونوں ناجائز ہیں۔ 

اگر کوئی جنابت کی حالت میں  غسل  کیے بغیر نماز پڑھنے کو جائز سمجھے تو اسے ایمان ونکاح کی تجدید کرنی ہوگی۔ اور اگر ناجائز سمجھتے ہوئے شرم یا سستی کی وجہ سے ایسا کیا تو ایمان واسلام تو باقی رہے گا ،لیکن ایسا کرنا سخت گناہ ہے ؛ اس لیے توبہ واستغفار کے ساتھ آئندہ اس سے اجتناب کیا جائے۔ فقط واللہ اعلم