کریڈت کارڈ سے رقم کی ادائیگی

واضح رہے کہ کریڈٹ کارڈ بنواتے وقت صارف بینک سے یہ معاہدہ کرتا ہے کہ اگرواجب الادا رقم کی ادائیگی میں تاخیر ہوئی تو اضافی رقم بطور سود ادا کروںگا،اس سودی معاہدہ کرنے کی وجہ سے کریڈٹ کارڈ کا استعمال شرعا نا جائز ہے۔اگر چہ صارف اس بات کا اہتمام بھی کر لے کہ رقم کی ادائیگی میں تاخیر نہ ہو تب بھی معاہدہ پر دستخط کرنے کی وجہ سے یہ ناجائز ہے،اگر وقت پر ادائیگی کرلی تو سودی لین دین کا گناہ تو نہیں ہوگا البتہ سودی معاہدہ کا گناہ برقرار رہے گا۔ فقط واللہ اعلم۔