"محمد اﷲ "نام رکھنا

"محمد اللہ "نام عربی ترکیب کے اعتبار سے درست نہیں اس کے علاوہ کوئی اور بہتر نام رکھ لیں نام کے سلسلے میں حضور اکرم ﷺ نے اپنے بچوں کے اچھے اچھے بامعنیٰ نام رکھنے کی ہدایات فرمائی ہیں اور ایک حدیث میں ارشاد ہے کہ اپنے بچوں کے نام انبیاء کرام علیھم السلام کے ناموں پر رکھا کرو، اسی طرح صحابہ کرام رضوان اللہ علیھم اجمعین کے ناموں پر نام رکھنا بھی بہت پسندیدہ ہے۔ایک حدیث میں ارشاد ہے کہ اللہ تعالیٰ کے سب سے پسندیدہ نام "عبداللہ "اور "عبدالرحمٰن" ہیں اور سب سے سچے نام "حارث" اور"ھمام" ہیں ۔ حارث کا معنیٰ ہے کھیتی باڑی کرنے والا ( یعنی آخرت کی تیاری کرنے والا) اور ھمام کا معنیٰ ہے فکرمند (آخرت بنانے کی فکر رکھنے والا)۔ اسی ضابطہ کے مطابق آپ کوئی نام تجویز کرسکتے ہیں۔اس کے علاوہ بامعنی ناموں کی ایک فہرست ہماری ویب سائیٹ پر بھی موجود ہے اس سے بھی انتخاب کرسکتے ہیں ۔