نیک آدمی کے ساتھ رضی اللہ عنہ لگانے کا حکم

واضح رہےکہ لفظ " رضی اللہ تعالیٰ عنہ" کااستعمال دوطرح سےہوتاہے، ایک توبطورخبرکےکہ کسی کواللہ رب العزت کی رضامندی کی سند جاری کردی جائے، اس معنیٰ کرتواس کا استعمال خاص ہے ان ہستیوں کےساتھ جن کواللہ پاک نےخودیہ سندجاری کردی ہےیعنی صحابہ کرام رضوان اللہ تعالیٰ علیھم اجمعین، اس لفظ کادوسرااستعمال بطوردعاکےہےکہ کسی کواللہ پاک کی رضاکی دعادی جائے، بایں معنیٰ اس لفظ کااستعمال کسی بھی نیک آدمی کے لیےبطوردعائیہ کلمہ کے ہوسکتاہے، مگرچونکہ یہ لفظ اب دعاسےزیادہ ایک مقام ومرتبہ کی نشاندہی اورامتیاز کےلیے استعمال ہوتاہے یعنی صحابہ کرام علیھم الرضوان کےلیے لکھااوربولاجاتاہے، اس لیےعام استعمال مناسب نہیں ہے۔ فقط واللہ اعلم