خلفائے راشدین کی امہات کے نام/نماز میں چلنا
سوال
1۔ حضرت ابوبکر، عمر، عثمان اوربی بی خدیجہ رضی اللہ عنہم اجمعین کی امھات (ماؤں) کے نام کیا ہیں۔2۔ نمازمیں اگراگلی صفوں میں ایک آدمی کی جگہ خالی ہوتو کیا ہم دوران نماز دویا تین قدم رکھ کر اگلی صف میں جاسکتے ہیں ؟3۔ نماز میں کتنا چلاجاسکتاہے کہ جس سے نماز نہیں ٹوٹتی ؟
جواب
حضرت ابوبکرصدیق رضی اللہ عنہ کی والدہ کا نام " سلمیٰ " حضرت عمرفاروق رضی اللہ عنہ کی والدہ کا نام " ختمہ" ، حضرت عثمان رضی اللہ عنہ کی والدہ کا نام " ارویٰ " اورحضرت خدیجۃ الکبریٰ رضی اللہ عنہا کی والدہ کانام " فاطمہ "ہے۔ (سیرالصحابۃ والصحابیات) 2۔ تسلسل کے ساتھ قدم اٹھائے بغیر پاؤں گھسیٹتےہوئے آگے جانے کی گنجائش ہے۔ 3۔ دوصف کے بقدر مسلسلم قدم اٹھائے بغیراگرکسی ضرورت کے تحت قبلہ رخ چلاجائےتو نماز برقرار رہتی ہے اس سے زائدچلنا یا مسلسل چلنا مفسدِ صلوٰۃ ہے۔ فقط واللہ اعلم
دارالافتاء — جامعہ علوم اسلامیہ علامہ محمد یوسف بنوری ٹاؤن
فتویٰ نمبر
143101200534
تاریخ01-01-2010
