تھریڈنگ کا حکم
سوال
معلوم یہ کرنا ہے کہ کیا تھریڈنگ کرانا جائز ہے یا ناجائز ؟خواتین کراسکتی ہیں، ان کے لیے جائز ہے یا نہیں؟داڑھی کے بال جو گال کے بہت اوپر آجائیں ان کی تھریڈنگ کرانا صحیح ہے یا نہیں ؟جواب عنایت کر کے شکریہ کا موقع دیجئےاللہ تعالیٰ آپ کو جزائے خیرعطا فرمائے،آمین.
جواب
چہرے کے بال صاف کرنے کے لیے تھریڈنگ کا طریقہ اختیار کرنے کی گنجائش ہے، مگر ایسی شکل بنانا جائز نہیں جس سے ہیجڑوں کے ساتھ مشابہت ہوجائے۔ اگر خواتین کی ابرؤوں کے بال اس قدر بڑھ جائیں جس کی وجہ سے مردوں سے مشابہت ہو تو ایسی صورت میں انہیں کم کرنے کی گنجائش ہے۔ جبڑے کی ہڈی کے اوپر گالوں پر جو بال اُگ آئیں انہیں صاف کرنا جائز ہے۔ فقط واللہ اعلم
دارالافتاء — جامعہ علوم اسلامیہ علامہ محمد یوسف بنوری ٹاؤن
فتویٰ نمبر
143101200374
تاریخ01-01-2010
