LCپر کاروبار کرنے کا حکم
سوال
LC پر کاروبار کرنا کیسا ہے کیا شریعت میں اس کی اجازت ہے یا نہیں اور ایک بروکر کے بارے میں کیا حکم ہے جو اپنی پارٹی کو LC پر مال دلوا کر دیتا ہے، اور بروکری لیتا ہے۔
جواب
صورت مسئولہ میںLC کی حیثیت شرعا کفالت و ضمانت کی سی ہے اور کفالت اور ضمانت پر اجرت لینا شرعا ناجائز ہے۔ البتہ LCلیٹر آف کریڈٹ یعنی بینک کی طرف سے ضمانت فراہم کرنے پر جو دفتری امور انجام دینے پڑھتے ہیں ان دفتری امور کے انجام دینے پر اس قدر اجرت لینے کی اجازت ہے جس قدر اجرت اس طرح کے کاموں میں عام طور پر لی جاتی ہو. فقط واللہ اعلم
دارالافتاء — جامعہ علوم اسلامیہ علامہ محمد یوسف بنوری ٹاؤن
فتویٰ نمبر
143101200285
تاریخ01-01-2010
