چھوڑ دیا سے طلاق کا حکم

صورت مسئولہ میں جھگڑے کے دوران جب بیوی نے چھوڑ نے کا مطالبہ شوہر سے ان الفاظ کے ساتھ کیا کہ اگر آپ میرے ساتھ نہیں رہنا چاہتے اور مجھے برداشت نہیں کر سکتے تو مجھے چھوڑ دیں اس کے جواب میں شوہر نے یہ الفاظ کہے کہ ہاں چھوڑ دیا اور بطور تاکید کے پھر یہ جملہ استعمال ہوا تو ان الفاظ سے ایک طلاق رجعی واقع ہوچکی ہے ۔ عدت میں رجوع کرلینے سے نکاح برقرار رہے گا اور شوہر آئندہ کے لیے دو طلاقوں کا مالک رہے گا ۔ فقط واللہ اعلم