نماز جنازہ کے فوراً بعد ہاتھ اٹھا کر دعا کرنے کا حکم
سوال
میراسوال یہ ہے کہ امام ابوحنیفہ نےنمازجنازہ کےفوراً بعد ہاتھ اٹھاکردعامانگنے کے بارے میں کیا کوئی فتویٰ دیا ہے ؟یا اس سلسلے میں ان کا کوئی قول ہے یا کسی کتاب کاکوئی حوالہ موجود ہے ؟
جواب
واضح رہےکہ میت کے لیےدعائے مغفرت کامسنون طریقہ جوشریعت مطہرہ نےسکھلایا ہےوہ نمازجنازہ ہے،نمازجنازہ کےبعدالگ سےدعاکا اہتمام اورالتزام کرنانہ توحضور اکرم صلی اللہ علیہ وسلم سےثابت ہےاورنہ ہی صحابہ کرام اورتابعین کرام سے، اس لیےکہ نمازجنازہ خوددعا ہےچنانچہ نمازجنازہ کےبعدالگ سےدعاکااہتمام کرنا بدعت ہے۔ یہی تمام فقہاء کا متفقہ مسلک ہے۔ فقط واللہ اعلم
دارالافتاء — جامعہ علوم اسلامیہ علامہ محمد یوسف بنوری ٹاؤن
فتویٰ نمبر
143101200095
تاریخ01-01-2010
