کیا حدودِ مسجد سے خارج حصہ میں بیٹھنے سے اعتکاف فاسد ہوجاتا ہے؟
سوال
مسجد کے ساتھ ہی کچھ حصہ ایسا ہوتا ہے جو مسجد سے باہر ہوتا ہے، جیسے صحنِ مسجد کے ساتھ کا حصہ، کیا اس حصہ میں بیٹھنے سے اعتکاف فاسد ہوجائے گا؟
جواب
صورتِ مسئولہ میں جو حصہ حدودِ مسجد میں شامل نہ ہو اس جگہ بیٹھنے سے اعتکافِ مسنون فاسد ہو جائے گا، لہذا معتکف ایسے حصہ میں جا کر نہ بیٹھے۔ فقط واللہ اعلم
دارالافتاء — جامعہ علوم اسلامیہ علامہ محمد یوسف بنوری ٹاؤن
فتویٰ نمبر
144008201632
تاریخ28-05-2019
