بِسْمِ اللَّهِ الرَّحْمَنِ الرَّحِيم

8 شوال 1441ھ- 31 مئی 2020 ء

دارالافتاء

 

مقروض پر قربانی لازم ہے یا نہیں؟


سوال

ایک شخص جو مقروض ہے اور اس کے پاس تھوڑا سونا اور ایک دکان ہے جس کی وہ قسطیں ادا کر رہا ہے اور وہ اپنی تنخواہ میں سے قرضہ اور دکان کی قسطیں دے رہا ہے اس وجہ سے اسے معاشی مسائل کا سامنا کرنا پڑ رہا ہے تو کیا ایسے شخص پر قربانی واجب ہے؟

جواب

واضح رہے کہ اگر کسی شخص کے اوپر قرض ہو ، اور اس کے پاس کچھ مال بھی ہو  تو  اگر یہ مال اتنا ہو کہ رواں سال واجب الادا قرض ادا کرنے کے بعد بھی اس کے پاس بنیادی ضرورت سے زائد، نصاب کے بقدر یعنی ساڑھے باون تولہ چاندی کی قیمت کے برابر مال بچا رہتا ہے، تو ایسے شخص پر قربانی واجب ہوگی  او راگر قرض ادا کرنے کے بعد نصاب سے کم مال بچے، تو اس پر قربانی واجب نہیں ہوگی۔

لہذا صورتِِ مسئولہ میں اگر مذکورہ شخص کے پاس اتنا سونا یا ضرورت سے زائد سامان موجود ہے کہ اگر وہ اس میں سے قرضہ اور  دکان کی اس سال کی واجب الادا قسطیں ادا کر دے  تو اس کے پاس ساڑھے باون تولہ چاندی کی مالیت کے بقدر بچ جائےتو اس پر قربانی واجب ہو گی اور اگر قرضہ و دکان کی قسطیں ادا کرنے کے بعد نصاب کے بقدر مال نہیں بچتا تو ایسی صورت میں قربانی لازم نہیں ہو گی۔

الفتاوى الهندية (5/ 292)
'' ولو كان عليه دين بحيث لو صرف فيه نقص نصابه لا تجب''
 ۔فقط واللہ اعلم


فتوی نمبر : 143909201810

دارالافتاء : جامعہ علوم اسلامیہ علامہ محمد یوسف بنوری ٹاؤن



تلاش

کتب و ابواب

سوال پوچھیں

اگر آپ کا مطلوبہ سوال موجود نہیں تو اپنا سوال پوچھنے کے لیے نیچے کلک کریں، سوال بھیجنے کے بعد جواب کا انتظار کریں۔ سوالات کی کثرت کی وجہ سے کبھی جواب دینے میں پندرہ بیس دن کا وقت بھی لگ جاتا ہے۔

سوال پوچھیں

ہماری ایپلی کیشن ڈاؤن لوڈ کرنے کے لیے