اولڈ ایج بینیفٹ کا حکم

اگر اولڈ ایج بینیفٹ کی اسکیم آپ نے ازخود لی تھی تو جس قدر آپ نے رقم اس مد میں جمع کروائی تھی اس قدر رقم تو آپ واپس لے سکتے ہیں، اس سے زیادہ نہیں۔ اور اگر یہ اسکیم آپ کو دوران ملازمت آپ کے ادارے کی جانب سے ملی ہے تو اگر آپ کی تنخواہ میں سے اس مد کی کٹوتی آپ کی رضامندی سے ہوتی تھی، تب تو جس قدر رقم اس مد میں جمع ہوئی تھی، حساب لگا کر صرف اسی قدر رقم اس پنشن کی مد میں لینا آپ کے لیے درست ہوگا، اس سے زیادہ نہیں، اور اگر کٹوتی جبری تھی، آپ کی رضامندی اس میں شامل نہیں تھی، تب یہ پنشن لینا آپ کے لیے ٹھیک ہے۔