میں نے دو شادیاں کی ہیں، اور میں نے دوسری بیوی کے ساتھ جا کر پہلی بیوی کی طلاق کا پیپر بنوایا ہے۔ اور دوسری بیوی نے کہا کہ بلند آواز میں مجھے سناؤ۔ کیا طلاق ہوگئی؟
صورتِ مسئولہ میں جس بیوی کے حوالے سے طلاق نامہ تیار کروایا تھا، طلاق نامہ تیار کرتے ہی طلاق واقع ہوگئی تھی، نیز طلاق واقع ہونے کے لیے بلند آواز سے دوسری بیوی کو سنانا ضروری نہیں تھا۔
طلاق چوں کہ تحریری طور پر دی گئی ہے، لہذا طلاق نامہ میں جتنی طلاق تحریر کی گئی تھیں، اتنی طلاق واقع شمار ہوں گی، پس اگر تعداد کے بارے میں حکم معلوم کرنا ہو، تو طلاق نامہ کے ساتھ دار الافتاء تشریف لا کر بالمشافہ معلوم کرلیا جائے، یا طلاق نامے میں درج الفاظ مکمل لکھ کر سوال دوبارہ یہاں ارسال کردیجیے، یا طلاق نامہ اسکین کرکے ہمارے درج ذیل ای میل ایڈریس پر سوال کے ساتھ ارسال کردیجیے، ان شاء اللہ جواب دے دیا جائے گا۔ فقط واللہ اعلم
fatwa_number : 144208200469
darulifta : Jamia Uloom Islamiyyah Allama Muhammad Yousuf Banuri Town
