اکلوتے غیر شادی شدہ بھائی کی وراثت میں اکلوتی بہن کا حصہ ؟
صورتِ مسئولہ میں اولاد کی غیر موجودگی میں اکلوتی بہن کا مرحوم بھائی کے ترکہ میں سے آدھا حصہ بنتا ہے، البتہ ترکہ کی تقسیم کا مکمل طریقہ کار بتانے کے لیے مرحوم کے انتقال کے وقت مرحوم کے دیگر رشتہ داروں کے زندہ ہونے یا نہ ہونے کا علم ہونا ضروری ہے، مثلًا مرحوم کے انتقال کے وقت مرحوم کے والدین زندہ تھے یا نہیں؟ مرحوم کے دادا یا چچا یا چچا زاد بھائیوں میں سے کوئی زندہ تھا یا نہیں ؟ وغیرہ
الفتاوى الهندية (6/ 450):
’’ الخامسة: الأخوات لأب وأم للواحدة النصف وللثنتين فصاعدا الثلثان، كذا في خزانة المفتين ومع الأخ لأب وأم للذكر مثل حظ الأنثيين، ولهن الباقي مع البنات أومع بنات الابن، كذا في الكافي.‘‘
فقط واللہ اعلم
fatwa_number : 144208201298
darulifta : Jamia Uloom Islamiyyah Allama Muhammad Yousuf Banuri Town
