میں کسی سے قرض کے طور پر رقم لوں اور یہ معاہدہ کروں کہ یہ رقم ایک سال بعد دوں گا اور ہر ماہ اسے مخصوص رقم دوں گا، یہ طریقہ جائز ہے؟
صورتِ مسئولہ میں اگر قرض لي ہوئی رقم ایک سال بعد مکمل واپس کی جائے اور ہر ماہ اس قرض کی وجہ سے قرض خواہ کو مخصوص رقم دی جائے تو قرض پر نفع کی وجہ سے ”سود“ ہے ، یہ ناجائز اور حرام ہے، لہذا ایسا معاہدہ کرنے سے اجتناب لازم ہے، البتہ اگر ماہانہ مخصوص رقم کو اصل رقم سے منہا کیا جائے اور سال کے آخر میں قرض لوٹانے میں دی گئی رقم کے علاوہ رقم لوٹائی جائے تو یہ صورت جائز ہے۔
الدر المختار وحاشية ابن عابدين (رد المحتار) (5 / 166):
"في الأشباه كل قرض جر نفعا حرام".
فقط واللہ اعلم
fatwa_number : 144301200050
darulifta : Jamia Uloom Islamiyyah Allama Muhammad Yousuf Banuri Town
