بِسْمِ اللَّهِ الرَّحْمَنِ الرَّحِيم

- 18 نومبر 2019 ء

دارالافتاء

 

سونا اور نقدی دونوں کا نصاب پورا ہو تودونوں سے الگ الگ زکاۃ دے جائے یا مجموعی مالیت سے کافی ہے؟


سوال

اگرکسی کے پاس دو نصاب ہوں، مثلاً سونے کا نصاب بھی مکمل ہے اور نقدی بھی نصاب تک پہنچی ہوئی ہے تو آیا دونوں نصابوں سے الگ الگ زکاۃ دی جائے گی یا دونوں کو جمع کیا جائے گا اور ایک زکاۃ دی جائے گی؟

جواب

صورتِ مسئولہ میں مذکورہ شخص کو اختیار ہے، اگر وہ نقد رقم کے ذریعے زکاۃ ادا کرنا چاہتا ہے تو  اس کی ملکیت میں جو بھی قابلِ زکاۃ اثاثے ہیں چاہے وہ نقدی ہو یا سونا وغیرہ، سب کی مجموعی مالیت لگاکر اس کا چالیسواں حصہ زکاۃ  میں دے دے۔ اگر وہ سونا اور نقدی دونوں الگ الگ  زکاۃ  میں دینا چاہتا ہے تو دونوں کا چالیسواں حصہ زکاۃ  میں دے دے ۔فقط واللہ اعلم


فتوی نمبر : 144008201682

دارالافتاء : جامعہ علوم اسلامیہ علامہ محمد یوسف بنوری ٹاؤن



تلاشں

کتب و ابواب

سوال پوچھیں

اگر آپ کا مطلوبہ سوال موجود نہیں تو اپنا سوال پوچھنے کے لیے یہاں کلک کریں، سوال بھیجنے کے بعد جواب کا انتظار کریں۔سوالات کی کثرت کی وجہ سے کبھی جواب دینے میں پندرہ بیس دن کا وقت بھی لگ جاتا ہے

سوال پوچھیں

ہماری ایپلی کیشن ڈاؤن لوڈ کرنے کے لیے