بِسْمِ اللَّهِ الرَّحْمَنِ الرَّحِيم

24 جمادى الاخرى 1441ھ- 19 فروری 2020 ء

دارالافتاء

 

ساٹھ ہزار روپے پر قربانی واجب ہے؟


سوال

ہمارےایک دوست کابیٹاباپ کی شاپ پرکام کرتاہے، اپنےذاتی پیسےجمع کیےہوئے ہیں 60000 ہزارکےقریب، اس پرقربانی کاکیاحکم ہے?

جواب

اگر کسی کی ملکیت میں صرف نقدی ہو اور وہ ساڑھے باون تولہ چاندی کی قیمت کے برابر یا اس سے زیادہ ہو اور ضرورتِ اصلیہ سے زائد ہو تو اس پر قربانی واجب ہوجاتی ہے، لہذا صورتِ مسئولہ میں ساٹھ ہزار روپے کی رقم چوں کہ چاندی کے موجودہ مارکیٹ ریٹ کے حساب سے ساڑھے باون تولہ چاندی کی قیمت سے زائد ہے، اس لیے اگر یہ رقم عید الاضحیٰ کے دنوں میں بھی موجود رہتی ہے اور اس پر قرض وغیرہ نہیں ہے تو مذکورہ لڑکے پر قربانی واجب ہوگی۔

الفتاوى الهندية  (5/ 292):
"( وَأَمَّا ) ( شَرَائِطُ الْوُجُوبِ ) : مِنْهَا الْيَسَارُ وَهُوَ مَا يَتَعَلَّقُ بِهِ وُجُوبِ صَدَقَةِ الْفِطْرِ دُونَ مَا يَتَعَلَّقُ بِهِ وُجُوبُ الزَّكَاةِ". 
فقط واللہ اعلم


فتوی نمبر : 144010201238

دارالافتاء : جامعہ علوم اسلامیہ علامہ محمد یوسف بنوری ٹاؤن



تلاشں

کتب و ابواب

سوال پوچھیں

اگر آپ کا مطلوبہ سوال موجود نہیں تو اپنا سوال پوچھنے کے لیے یہاں کلک کریں، سوال بھیجنے کے بعد جواب کا انتظار کریں۔ سوالات کی کثرت کی وجہ سے کبھی جواب دینے میں پندرہ بیس دن کا وقت بھی لگ جاتا ہے

سوال پوچھیں

ہماری ایپلی کیشن ڈاؤن لوڈ کرنے کے لیے