سوال

گھڑی کس ہاتھ میں پہننا چاہیے؟

جواب

اپنی مرضی اور سہولت کے مطابق جس ہاتھ میں چاہے پہن سکتے ہیں، اس میں کوئی پابندی نہیں ہے، اہلِ علم میں بھی دونوں طرح کے ذوق پائے جاتے ہیں۔ البتہ خیر کے کام میں دائیں ہاتھ کو ترجیح دینا بہتر ہوتا ہے؛ اس لیے گھڑی پہننے میں خیر کے کاموں اور اوقات کی حفاظت کی نیت کی جائے اور دائیں ہاتھ میں پہنی جائے۔ البتہ اگر کوئی کسی صحیح غرض کی وجہ سے بائیں ہاتھ میں پہنے، (مثلاً: کسی کا لکھنے کا زیادہ کام ہو اور بائیں ہاتھ میں گھڑی پہننے میں سہولت ہو) تو اس کے لیے بائیں ہاتھ میں پہننے میں کوئی حرج نہیں ہے۔ فقط و اللہ تعالی اعلم