سوال

ہماری کمپنی میں تقرری کے بعد کمپنی کی طرف سے ہمیں موٹر سائیکل ملتی ہے، جو موٹر سائیکل  ملتی ہے وہ کمپنی کی ملکیت ہوتی ہے اور کمپنی اس کی انشورنس بھی کرواتی ہے، ہمیں صرف استعمال کے لیے موٹر سائیکل  ملتی ہے، اس کی انشورنس سے ہمارا کوئی تعلق نہیں ہوتا، اب کیا یہ موٹر سائیکل  لینا ہمارے لیے جائز ہو گا یا نہیں؟

جواب

آپ جس کمپنی میں ملازمت کرتے ہیں وہ کمپنی اگر خود موٹر سائیکل کی انشورنس کرواتی ہے، اس سے آپ کا کوئی تعلق نہیں ہوتا، آپ کو وہ موٹر سائیکل محض استعمال کے لیے دی جاتی ہے تو ایسی  موٹر سائیکل استعمال کرنے میں شرعاً  کوئی حرج نہیں، ایسی موٹر سائیکل کا استعمال آپ کے لیے جائز ہے۔ فقط واللہ اعلم