ہم کرکٹ میچ کھیلتے ہیں جو ٹیم ہارتی ہے وہ جیتنے والی ٹیم کو کولڈ ڈرنک پلاتی ہے، کیا یہ جائز ہے یا حرام کے زمرے میں تو نہیں آتا؟
واضح رہے کہ شریعتِ مطہرہ میں مقابلے کے اندر جانبین (دونوں فریق) کی جانب سے مالی شرط لگانا ’’جوا‘‘ اور ’’قمار‘‘ کے حکم میں ہے ، اور ’’جوا‘‘و ’’قمار‘‘ شرعاً ناجائز اور حرام ہے، لہذا اگر کرکٹ یا کسی بھی کھیل میں اس طرح کی شرط لگائی جائے کہ جو ٹیم ہارے گی وہ جیتنے والی ٹیم کو بوتل پلائے گی ایسی شرط لگانا جائز نہ ہو گا۔ فقط واللہ اعلم
فتوی نمبر : 144004201570
دارالافتاء : جامعہ علوم اسلامیہ علامہ محمد یوسف بنوری ٹاؤن