نکاح میں دلہن اور دولہا نے زبانی ایجاب و قبول کے بعد دولہا نے خود اپنے دو گواہوں سے پوچھا : جی گواہان!،تو دونوں گواہوں نے بولا : جی ہم کافی ہیں، ہم آپ کے گواہ ہیں، تو دولہا کے ایجاب و قبول کے بعد ایسا پوچھنے سے نکاح میں کوئی خرابی تو نہیں آجاتی؟
نکاح کی مجلس میں گواہوں کا ایجاب و قبول کو سن لینا کافی ہے، اس کے لیے زبان سے گواہ بن جانے کا اعتراف کرنے کی ضرورت نہیں، تاہم اگر ایسا کرلیا گیا ہے تو اس سے نکاح پر اثر نہیں پڑا۔فقط واللہ اعلم
فتوی نمبر : 143909200529
دارالافتاء : جامعہ علوم اسلامیہ علامہ محمد یوسف بنوری ٹاؤن