نو/9 تولے پرکتنی زکات ہے؟
نو تولہ سونے کی زکات نکالنے کا آسان طریقہ یہ ہے کہ نو تولہ سونے کی قیمت معلوم کرلی جائے، اس قیمت کا چالیسواں حصہ یعنی ڈھائی فی صد رقم زکات میں ادا کرنا واجب ہوگی۔
مثلاً آج کل (مئی ۲۰۱۹ ) میں ایک تولہ سونا (۲۴ کریٹ والا) کی قیمت اڑسٹھ ہزار تین سو (۶۸۳۰۰ ) روپے ہے، اس حساب سے نو تولہ سونے کی قیمت چھ لاکھ چودہ ہزار سات سو (۶۱۴۷۰۰ ) روپے بنتی ہے، اس قیمت کا ڈھائی فی صد پندرہ ہزار تین سو اڑسٹھ (۱۵۳۶۸ ) روپے بنتا ہے۔ اگر ایک ساتھ اتنی رقم موجود نہ ہو تو تھوڑی تھوڑی کرکے جتنا جلد ہوسکے ادا کرلی جائے۔ فقط واللہ اعلم
فتوی نمبر : 144008200518
دارالافتاء : جامعہ علوم اسلامیہ علامہ محمد یوسف بنوری ٹاؤن