سوال

میرا چھوٹا بھائی جو کہ حافظِ قرآن ہے، نشہ جیسی مہلک بیماری میں گرفتار ہوگیا ہے، گھر والوں نے بہت سمجھایا، لیکن نہیں سمجھ رہا،  مارنے سے بھی نہیں سدھر رہا ہے۔ والدہ کا کہنا ہے کہ اس پر کسی نے جادو وغیرہ کر دیا ہے جس کی وجہ  سے بات نہیں مان رہا ہے۔  اس کے لیے وظیفہ یا کوئی علاج بتلادیں۔ دعا بھی فرمائیں کہ اللہ اس کو صحت عطا فرمائے۔

جواب

گھر کے سب افراد کو چاہیے کہ وہ   اس لڑکے کے لیے دعا کریں، اورسورۂ مؤمن/غافر کی ابتدائی آیات  {حم (1) تَنْزِيلُ الْكِتَابِ مِنَ اللَّهِ الْعَزِيزِ الْعَلِيمِ (2) غَافِرِ الذَّنْبِ وَقَابِلِ التَّوْبِ شَدِيدِ الْعِقَابِ ذِي الطَّوْلِ لَا إِلَهَ إِلَّا هُوَ إِلَيْهِ الْمَصِيرُ } [غافر: 1 - 3]  پڑھ کر اس پر دم کریں۔ اگر وہ خود پڑھ سکتا ہو تو اس سے بھی کہیں کہ وہ یہ پڑھ کر اپنے اوپر دم کرے، گھر کا کوئی فرد بھی یہ عمل کرکے اس پر پھونک دے، اس کے دم کا پانی بھی اس کو پلایا جائے، ان شاء اللہ، اللہ تعالیٰ اس بری عادت سے چھٹکارا نصیب فرمائیں گے۔ فقط واللہ اعلم