سوال

میرا نام ’’ نثاراللہ‘‘  عمرتقریباً  25 سال ہے،  میں اکثر بیمار رہتاہوں تو میں ڈاکٹر کے پاس گیا،  جس نے چیک اَپ کے بعد دوائی تجویز کی اور ساتھ یہ بھی کہا کہ سارا مسئلہ آپ کے نام کا ہے، کیا واقعی میرے نام میں کوئی مسئلہ ہے؟ 

جواب

"نثار "  اگر فارسی زبان کالفظ  لیا جائے تو اس کے معنی ہیں "قربان" اس اعتبار سے "نثار اللہ"  کا معنی ہوگا "اللہ پر قربان ہونے والا"۔

اور اگر "نثار"  عربی زبان کا لفظ مانا جائے تو اس کے معنی ہیں بکھیرنا، نثر میں گفتگو کرنا، اس صورت میں "نثار اللہ"  کامعنی ہوگا   "اللہ کی باتیں کرنے والا"۔

بہر صورت یہ نام رکھنا درست ہے ، لہذا آپ کےنام میں کوئی مسئلہ نہیں ہے،  کسی اچھے طبیب سے علاج کرائیں۔فقط واللہ اعلم