غسل کے بغیر اگر سحری کرلی تو روزہ ہوجائے گا؟
اگر کسی شخص پر غسل واجب ہو اور وہ صبح صاد ق سے پہلے غسل نہ کرسکا اور سحری کرکے روزہ رکھ لیا تو اس کا روزہ درست ہے، ناپاک ہونے کی وجہ سے روزہ پر کوئی فرق نہیں پڑے گا، البتہ جلد از جلد غسل کرلینا چاہیے، غسل میں اتنی تاخیر کرنا کہ فجر کی نماز قضا ہوجائے گناہ کا باعث ہے۔فقط واللہ اعلم
فتوی نمبر : 143909200174
دارالافتاء : جامعہ علوم اسلامیہ علامہ محمد یوسف بنوری ٹاؤن