کیا جب ہم سو کر اٹھتے ہیں احتلام کی حالت میں تو اگر ہمارا ہاتھ احتلام والی جگہ پر لگا ہوا ہو اور اس کے بعد اسی ہاتھ سے موبائل استعمال کیا تو موبائل ناپاک ہو گا؟ نیز موبائل کو پاک کرنے کا کیا طریقہ ہے؟
اگر احتلام والی جگہ خشک ہوچکی ہو یا اس جگہ پر ہاتھ لگ کر خشک ہوچکا ہو تو خشک ہاتھ موبائل پر لگانے سے موبائل ناپاک نہیں ہوگا، اگر نجاست کی وہ تری موبائل پر لگ جائے تو اگر وہ اسکرین وغیرہ پر ہے تو اس کو صاف کپڑے سے صاف کرلیا جائے اور اگر اندر بھی چلی گئی ہو تو پیٹرول وغیرہ سے پاک کرلیا جائے۔ فقط واللہ اعلم
فتوی نمبر : 144106200388
دارالافتاء : جامعہ علوم اسلامیہ علامہ محمد یوسف بنوری ٹاؤن