سوال

میڈیا چینل میں ملازمت کرنے والے کی کمائی کا کیا حکم ہے؟

جواب

میڈیا چینل  سے اگر سائل کی مراد الیکٹرانک میڈیا ہو تو ایسے چینل میں ملازمت کرناجائز نہیں، کیوں کہ یہ شعبہ جان دار کی تصویر سازی اور موسیقی وغیرہ جیسے شرعی ممنوعات سے پاک نہیں ہے۔

اور اگر اس سے مراد پرنٹ میڈیا ہو اور ملازمت کا تعلق تصویر سازی سے نہ ہو، بلکہ حقائق پر  مبنی خبروں کی تشہیر سے  ہو تو ایسی صورت میں ملازمت جائز ہوگی، اور تنخواہ بھی حلال ہوگی۔ البتہ اگر ملازمت کا تعلق تصویر سازی یا جھوٹی خبروں کی تشہیر، بہتان طرازی، بلیک میلنگ جیسے حرام کاموں سے ہو تو اس صورت میں نہ ملازمت جائز ہوگی اور نہ ہی تنخواہ حلال ہوگی۔ فقط واللہ اعلم