سوال

ہم ایک ادارے میں ملازمت کرتے ہیں جو کہ مین روڈ سے 3-4 کلو میٹر کے فاصلے پر ہے تقریباً2ہزار افراد 7-8مساجد ایک مسجد میں پانچ وقت کی نماز باجماعت ادا کرتے ہیں، وہاں سیکورٹی کی وجہ سے اذنِ عام بھی نہیں، نہ ہی سارے ملازمین باہر جا کر نمازجمعہ ادا کر سکتے ہیں، ساری مساجد میں جمعہ کی نماز ہوتی ہے، کیا ہم وہاں جمعہ کی نماز پڑھیں یا ظہر ؟

جواب

مذکورہ ادارہ اگر شہر یا فنائے شہر  یا کسی بڑے قصبے میں واقع ہو تو وہاں جمعہ کی نماز ادا کی جائے گی اور اگر شہر یا فنائے شہر کی حدود سے باہر ہو تو ظہر کی نماز ادا کی جائے گی۔

حاشية رد المحتار على الدر المختار - (2 / 137):
"عن أبي حنيفة أنه بلدة كبيرة فيها سكك وأسواق ولها رساتيق وفيها وال يقدر على إنصاف المظلوم من الظالم بحشمته وعلمه أو علم غيره يرجع الناس إليه فيما يقع من الحوادث وهذا هو الأصح اهـ". فقط واللہ اعلم