سوال

میت کے استعمال شدہ کپڑوں اور جوتے وغیرہ کاکیا حکم ہے؟

جواب

انتقال کے وقت میت کی ملکیت میں جو کچھ تھا وہ سب اس کا ترکہ ہے، جسے ورثاء میں تقسیم کیا جائے گا، البتہ تمام عاقل بالغ ورثاء باہمی رضامندی سے مستحقین میں صدقہ کرنا چاہیں تو یہ بھی جائز ہے،  لیکن ورثاء میں کچھ افراد نابالغ ہوں تو اسے صدقہ کرنا جائز نہیں ہوگا۔ اسی طرح اگر ورثہ سب بالغ ہوں اور میت کی استعمال شدہ اشیاء کو باہمی رضامندی وطیبِ نفس کے ساتھ  تقسیم کرلیں اس کی بھی اجازت ہے۔ فقط واللہ اعلم