کیا موبائل فون میں قرآنِ پاک رکھنا جائز ہے یا نہیں؟
موبائل میں قرآنِ مجید ڈاؤن لوڈ کرنا اور موبائل سے قرآن کی تلاوت کرنا جائز ہے، البتہ جب موبائل اسکرین پر قرآن مجید کھلا ہو تو اسے چھونے کے لیے باوضو ہونا ضروری ہے، اسکرین کے علاوہ موبائل کے دیگر حصوں کو بلاوضو چھوسکتے ہیں۔ موبائل میں ممنوع چیزیں (جان دار کی تصاویر اور ویڈیوز یا میوزک وغیرہ) محفوظ کرنا یا دیکھنا شرعاً درست نہیں ہے، یہ چیزیں موبائل میں نہ رکھی جائیں، نہ یہ کہ ان کی وجہ سے قرآنِ مجید کو محفوظ نہ کیا جائے۔ فقط واللہ اعلم
فتوی نمبر : 144105200968
دارالافتاء : جامعہ علوم اسلامیہ علامہ محمد یوسف بنوری ٹاؤن