امام دوسری رکعت میں تشہد کی حالت میں تھا، مقتدی امام کے پیچھے شریک ہونے کے لیے بیٹھا ہی تھا کہ امام صاحب تیسری رکعت کے لیے اٹھ کھڑے ہوئے، اب اس صورت میں آیا مقتدی تشہد پڑھے گا یا امام کی اقتدامیں کھڑا ہو جائے گا؟
مقتدی پہلے تشہد پڑھے پھر اس کے بعد تیسری رکعت میں امام کے ساتھ شامل ہوجائے ۔
'' إذا أدرك الإمام في التشهد وقام الإمام قبل أن يتم المقتدي أو سلم الإمام في آخر الصلاة قبل أن يتم المقتدي التشهد فالمختار أن يتم التشهد. كذا في الغياثية وإن لم يتم أجزأه''. (الفتاوى الهندية ،1/ 90) فقط واللہ اعلم
فتوی نمبر : 143909201019
دارالافتاء : جامعہ علوم اسلامیہ علامہ محمد یوسف بنوری ٹاؤن