سوال

آٹھ افراد مضاربت میں شریک ہیں، اب ایک اپنا کام چھوڑنا چاہتا ہےتو کیا باقی شرکاء میں سے کوئی اس کا حصہ خریدسکتاہے؟  نیز ان کے حصہ معلوم کرنے کا کیا طریقہ کار ہوگا؟

جواب

اگر آٹھ افراد نے مل کر ایک آدمی کو مضاربت کے لیے رقم دی ہے اور اب ایک شخص مضاربت سے اپنا پیسہ نکالنا چاہتا ہے تو اس کا طریقہ یہ ہےکہ کاروبار کی مجموعی مالیت (نقدی, مال تجارت ,قابل وصول رقم)لگالی جائے پھراصل رقم اور منافع کوالگ کرکے اس آدمی کا سرمایہ اور منافع میں جو اس کاحصہ بنتا ہے اسے جمع کرکے اس کاحصہ متعین کردیا جائے اس کے بعد اگر کوئی شریک اس حصہ کو اپنی طرف کرنا چاہتا ہوتو وہ یہ رقم علیحدہ ہونے والے کو ادا کردے اور اس کا حصہ اپنی طرف کرلے۔  فقط واللہ اعلم