سوال

ہم نے کچھ عرصہ پہلے ایک مکان ۵۶ لاکھ میں خریداتھا ، جس میں ۴۵ لاکھ میرے تھے بقیہ والد صاحب کے، مکان کی  مارکیٹ ویلیو اب ۹۰ لاکھ کے قریب ہے، یہ مکان اپنے نام کراوانا چاہتا ہوں تو مجھے اپنے والد صاحب کو کتنے پیسے دینے ہوں گے؟ آیاجو پیسے انھوں نے اس گھر کے لینے میں ملائے تھے یا موجودہ مارکیٹ ویلیو  کے تناسب سے ؟

جواب

والدصاحب نے اگر شرکت کے طورپر رقم ملائی تھی تو وہ اپنے حصے کے مالک  ہیں، چاہیں آپ کو فروخت کریں یا نہ کریں اوراگر فروخت کریں تو قیمت خرید آپ سے وصول کریں یا موجودہ مالیت کے حساب سے اپنا حصہ آپ کو فروخت کریں۔بہرحال یہ والد کی رضامندی پر موقوف ہے۔فقط واللہ اعلم